🌼ಗಂಗಾಧರೇಂದ್ರಂ ಗುರುರಾಜಮೀಡೇ🌼
(ಸ್ವರ್ಣವಲ್ಲೀ ಶ್ರೀ ಶ್ರೀಮದ್ ಗಂಗಾಧರೇಂದ್ರ ಸರಸ್ವತೀ ಯತಿಗಳ ಕುರಿತು ರಚಿತವಾದ ಸ್ತೋತ್ರ)
ಕಾಷಾಯವೇಷಾವೃತದೇಹಯಷ್ಟಿಂ
ಕರಸ್ಥದಂಡಾಹಿತಯೋಗಪುಷ್ಟಿಂ|
ಸ್ಮೇರಾನನಾವೇದಿತಹಾರ್ದತುಷ್ಟಿಂ
ಗಂಗಾಧರೇಂದ್ರಂ ಗುರುರಾಜಮೀಡೇ||
ಸಂಸಾರಸಂಗಂ ಝಟಿತಿತ್ಯಜಂತಂ
ಸಂನ್ಯಾಸಯೋಗೇ ಪರಿನಿಷ್ಠಿತಸ್ವಮ್|
ಅದ್ವೈತತತ್ವಾಯತನಪ್ರವೃತ್ತಂ
ಗಂಗಾಧರೇಂದ್ರಂ ಗುರುರಾಜಮೀಡೇ||
ಶ್ರೀಶಂಕರಾಚಾರ್ಯಮುದಾಹರಂತಂ ತದೀಯಭಾಷ್ಯಾದಿವಚೋವದಂತಮ್|
ವೇದಾಂತವಿಜ್ನಾನಸುನಿಶ್ಚಿತಾರ್ಥಂ
ಗಂಗಾಧರೇಂದ್ರಂ ಗುರುರಾಜಮೀಡೇ||
ಶ್ರೀರಾಜರಾಜೇಶ್ವರನಾಮಮಾನ್ಯಾಂ
ಶ್ರೀಮಾತರಂ ಪ್ರತ್ಯಹಮರ್ಚಯಂತಮ್|
ಶ್ರೀಚಂದ್ರಮೌಳೀಶ್ವರಪಾದಬಂಧುಂ
ಗಂಗಾಧರೇಂದ್ರಂ ಗುರುರಾಜಮೀಡೇ||
ಪೀಡಾಮುದನ್ಯಾಮಶನೀಯಜಾಡ್ಯಂ
ತಂದ್ರಾಂ ಚ ನಿದ್ರಾಂ ಚ ಸುವಿಜಿತ್ಯ ಭಕ್ತ್ಯಾ|
ದೇವಾನಹೋರಾತ್ರಮುಪಾಸಿತಾರಂ
ಗಂಗಾಧರೇಂದ್ರಂ ಗುರುರಾಜಮೀಡೇ||
ಗುಣೇಷು ಶಿಷ್ಯಾನ್ ಮೃದು ಸಂಜಯಂತಂ
ದೋಷೇಭ್ಯ ಏತಾನ್ ಕಟು ವಾರಯಂತಮ್|
ಕ್ಷಣಂ ಕ್ಷಣಂ ಸತ್ತಪ ಆಚರಂತಂ
ಗಂಗಾಧರೇಂದ್ರಂ ಗುರುರಾಜಮೀಡೇ||
ಶಿಷ್ಯಾನ್ ಸದಾಚಾರಪಥಂ ನಯಂತಂ
ಶಿಷ್ಟಾನಿ ಕರ್ಮಾಣಿ ಚ ಚೋದಯಂತಮ್|
ಗೀತಾಂತರಂಗಂ ಮುಹುರೀರಯಂತಂ
ಗಂಗಾಧರೇಂದ್ರಂ ಗುರುರಾಜಮೀಡೇ||
ಪ್ರೇಮ್ಣಾ ವನಾನಾಂ ಪ್ರತಿಪಾಲನೋತ್ಥಂ
ನದೀನದಾನಾಂ ಪರಿವಾಹಿತೇಪ್ಸುಮ್|
ನೈಸರ್ಗಿಕಾನಾಂ ಪರಿರಕ್ಷಣೇಚ್ಛುಂ
ಗಂಗಾಧರೇಂದ್ರಂ ಗುರುರಾಜಮೀಡೇ||
ಗುರುರಾಜಾಷ್ಟಕಂ ಪುಣ್ಯಂ ಗುರ್ವನುಗ್ರಹಕಾರಣಮ್|
ಭವೇತ್ಸಂವೇಗಹೇತೂನಾಂ ಶಮಾಯೋಪರಮಾಯ ಚ||
ರಚನೆ -
।।ವಿದ್ಯಾವಾಚಸ್ಪತಿ,ವಿದ್ವಾನ್।।
ಉಮಾಕಾಂತ ಭಟ್ಟ, ಕೆರೇಕೈ (ಮೇಲುಕೋಟೆ)
ಗಾಯನ - ವಿ।। ಪ್ರಸನ್ನ ಭಟ್ಟ ಬಾಳ್ಕಲ್
ಸಂಗ್ರಹ - ಶ್ರೀ ಸ್ವರ್ಣವಲ್ಲೀ ಭಕ್ತವೃಂದ (ರಜತವಲ್ಲೀ- 2)